9, సెప్టెంబర్ 2014, మంగళవారం

aatma bandhuvu

      ఆత్మబంధువు
నాతోనేవుంటూ నాతోనే పెరుగుతూ
నన్నొదలని తోబుట్టువే అది
చిన్న వెలుతురు పువ్వు పూసినా
నిద్రలోనూ నన్ను కావలించుకొని వుంటుంది
పొద్దున్నె
తల్లిలేవగానే కెవ్వుమనే పొత్తిళ్ళ పాపాయిలా
లేచి వెంటబడుతుంది
ఇంట్లో వున్నంతసేపూ తెరచాటూనే
దాగుడుమూత లాడుతుంది
ఏ వెలుతురు తీగ నన్ను చుట్టినా
క్షణంలో దూకి నా కొంగు పట్టుకొంతుంది
స్కూలుకి వెళ్తుంటాన
బుద్ధిమంతురాలై నా వెనకెనకే అడుగులొ అదుగేస్తుంది
వుందుంది కొంటెపిల్లై
నన్ను లాక్కుంటూ ముందుకి సాగిపొతుంది
అంతలొనె నేను చిన్నబుచ్చుకుంటానేమొనని
పక్కనే వూసులు చెబుతూ జతకడుతుంది
ఏ మండే మిట్టమధ్యాహ్నవేళో బయటకెళ్తే
 ఒంటరిగా వెళ్ళనీదు సరికదా
పాదాలు కందిపోతున్నందుకు
బాధతో ముడుచుకొని ముద్దై
కొద్దిపాటి చల్లదనమైనా ఇవ్వాలని
పాదాలకింద నడిచే తివాచీ అవుతుంది
వాననీటీలొ ముక్కలౌతూ వణికి పోతూ కూడా
నాకు తోడూ గానే వుంటుంది
చిలిపితనంతో ఏ చీకటీ వేళో
ఒంటరిని చేసి ఏడిపిస్తుంది
మండే అగ్గిపుల్ల వెల్తుర్లొ
వెనకేదాగి భూతంలా భయపెడ్తుంది
అయితేనేం క్షనమైనా నన్ను వీడని
ఆత్మబంధువే నా నీడ!!